تشرين الأول
بقلم الشاعرة: فايزة معماري
تشرين جاي وحامل بإيدو
اوراق مصفرّة
وبين أهدابو دمعات تنهيدو
وشي ألف ياااااا حسرة
وقّف ع باب الدار
متحيّر ومحتار
وشو مستحي المسكين
شو مستحي يرجّعلنا الجرة
لا عسل لا زيت لا خمرة
تيابو عتيقة ممزقة وجوعان
موسمو كلّو احترق
واللي بقي منّو انسرق
ما تقول كيف ومين
سرقوه هالغربان والحيتان
وكل اللي صاروا معودين
يسرقوا تياب الفقير
ولقمة الجوعان
لا تستحي تشرين
كلّنا متلك بالهم غرقانين
لا تستحي تشرين
كل تشرين وانتم بالف خير أصدقائي
ليست هناك تعليقات:
إرسال تعليق