مسرح كبير
بقلم الشاعر : صلاح رزق
كل المشاعر عامله اجتماع
والدعوه عامه على المشاع
تصفيق دموع ضحك وعياط
والإنبساط لابس سُكات
على مسرح الدنيا الكبير
الضلمه قاعده عل اليمين
ومحوطه ع المظلومين
والليل تقيل ونهار مجاش
كالعاده يعنى ما ادعاش
والحب كان واقف ثبات
وف إيده شنطة ذكريات
وحاجات من الزمن الجميل
شباك بيشتي م الزحام
بيع التذاكر كان تمام
و البوسترات ماليه المكان
تحكي عن العرض الخطير
مخرج يصيح فين المؤلف
موسيقى تعزف
عنده جنازه من يومين
زعلان وراقد فى السرير
مخرج حزين
الفنانين على زعله
قامت هللت
وبصرخه منه
الارض يعنى اتزلزلت
المسرحيه إتأجلت
إخلوا المكان
ارخو الستار وارمو الفشار
جمهور يصيح
ما بلاش هزار
جلبه وخايله فى الكالوس
صوت الموسيقى
قالب كابوس
جمهور عنيد
بينادي ع البطل الجديد
وصوت سلامة
جي من بعيد
هنادي وقعت فى الوبا
دكتور ببسقيها الدوا
طلعت خناجر من حديد
مات المريض
والمسرح إرتج بعويل
وتهد من صوت الصفير
مخرج يشوؤ النور ينور
سكوت ودور
كلاكيت وصور
القافله مشهدنا الأخير
الصوت بيرعش
وسلامه يدخل
جمهور بيسأل
إيه اللي بحصل
وصوت مكبر
الرحمه والنور ع الضمير
يبكي المؤلف
النور يضلم
جمهور يبلم
ونهاية تنزل
من غير ضمير
الدنيا دى مسرح كبير
بقلم صلاح رزق
