كان ياما كان
بقلم الشاعر: يحيي العبادي
انا مش كاتب لك كلمات
اصل انا عدي وقتي وفات
انا طول عمري كنت اتمني
اني اشوفك بس ساعات
لو تعرفني تقول مجنون
راجل جد لاكنه ....حنون
يعرف انه كلامه .....كبير
لازم يبقي ...كبير ويصون
لو كان حبك جاني امبارح
عمري ماكنت لبعدك سامح
اصل العشق بيجي ل مره
وازاي افوت الوجه الصابح
وشك زي طبق...........بنور
يدخل اجدع قلب .. يدور
تفرح بيه الدنيا ....وترقص
والي مايعرف قيمته يغور
زي الشمس... في عز البرد
زي الحب ..في وقت جد
زي غريق في.... بحر هواه
وانت معاك ... الخيط للشد
انت جمالك ....عندي حكايه
انت بقلبي عايش .....جوايه
كل حياتي ...قربت.. انساها
طول ما بشوفك انت معايه
بس انا وقتي عدي وفات
زي زمان واحساسي مات
ممكن ابكي..... علي ايامي
ممكن اعيش الباقي سكات
ليست هناك تعليقات:
إرسال تعليق