خلاص سامحهم
بقلم الشاعر: سامي علي عبدالمنعم
خلاص يا سامي سامحهم
بكرة هتمشي وتريحهم
مش هيشوفوك
ولا يفتكروك وهينسوك
جرحوك اوعاك تجرحهم
وان كنت زعلان صارحهم
وان خانوك هيجي اللي بخدعهم
وان جم صالحوك. .. اسمعهم
لكن لا تروح لهم ولا ترجعهم
لا هما ناقصين عشان تكملهم
ولا غرقانين عايزينك تنقذهم
خلاص ماشي
طب استنى ودعهم
ولا ٱقولك
بايه الوداع هينفعهم
لا وجودك هيفرحهم
ولا غيابك هيزعلهم
جرحوك واذوك
انسى وسامحهم
بكرة هتمشي وتريحهم
الامضاء عاشق الكلمة
سامى على عبد المنعم
15 يناير 2026م
ليست هناك تعليقات:
إرسال تعليق