ماشين ف دنيا
بقلم الشاعر: سامى على عبد المنعم
ماشين ف دنيا متغميين
مابين ضلوعنا الم و أنين
جوانا حب للبشر وطيبين
العمر بحري واحنا واقفين
مش فاهمين ومش عارفين
احنا بمزجنا صابرين؟
ولا على الوحده مجبرين
الايد عجزت ولا متكتفين
ودمعه نزلت من العنين
يا ريتنا فضلنا صغيرين
كلنا براءة و حنينين
لا بنكره حد ولا مهمومين
كبرنا والشيب ملانا
وحاجات كتير جوانا
وخلاص عجزنا يا مولانا
وبقينا مش قادرين
من بكره اكيد خايفين
احنا الخير ولا الشر
بجد مش عارفين
ماشين تايهين
وآلسكة مش شافين
مستنين النور بقلب صبور
بعد عتمة سنين
راحوا فين المخلصين
راجعين .. ولا زينا تايهين؟
الامضاء عاشق الكلمة الحزين
ابن الناس الطيبين
سامى على عبد المنعم
ليست هناك تعليقات:
إرسال تعليق