الوصيه :
بقلم الشاعر: عبدالرحمن سعيد
ماشى فى الليل والشارع نور
لقيت أُم كبيره قلبها مفطور
سألت محتاجه إيه ياحاجه
قالتلى عيزاك على طول مستور
يعنى مش عوزه منى مساعده
محتاجه من ربى الرضى والعفه
ويعطنى العافيه وطاقة نور
طب انتي منين وبلدك فين
من الدنيا وبتساعى كتير
وكمان مخلوقه وتحت سمائه
وهوا بيرزق كل عباده
طيب ياحاجه ملكيش اولاد
ليَ إتنين بعِيد عنك مايلين
لا بهشوا ولا بينشوا
دا عيالك دول ملاعين
ليه يرموكى فى الخلا بالليل
إوعاك تلعنهم سبهم لحالهم
معاهم نسوانهم وعيالهم كتير
هيعشوا عشان يردولى الدين
و الايام بتدور وتفك سنين
و المولى باعت لنا كاتبين
ملك عالشمال وملك عل اليمين
وحقى مش هيضيع عند الكريم
قومى معايا نروح عل البيت
عندى دارين واحده لأمى
وأبويا وزوجتى وحده للسائلين
اسمعنى ياغريب والملقى نصيب
والروح يمكن بلحظه تغيب
حسه كده إن عمرى قصير
قصداك فى كلمه او كلمتين
وهادعيلك دعوه يمكن تصيب
ربى يجبر بخاطرك جبر السنين
إن مت ياغريب فى خلال يومين
ادفنى بمقابر المسلمين
هيَ وصيه لك ياغريب
دى أمانه فى رقبتك
لازم تُصان وفي نن العين
وبلغ ولاادى حملت فيكم
تسع شهور ورضاعه سَنتين
وكدّ وتعب طول السنين
الله حسبى نصير المظلومين
هيجبلى حقى سلف ودين
.
الوصيه ./ قصيده عاميه
بقلم وكلمات عبدالرحمن سعيد
فى يوم السبت ٢٨/٣/٢٠٢٦
من سيف الدين المنصوريه
طلخا دقهليه مصر 
ليست هناك تعليقات:
إرسال تعليق