كالعادة
بقلم الشاعر: حليم محمود أبوالعيلة. مصر
كالعـادة بتقتـليـني وتمشـي
وغِمـد سيفِـك جـوا روحـي
كُل نظرة منِك تِشعلل هُمومي
وهجرِك زود أنيني وجُروحي
وعُـيونـي مِن غـيرِك تِـمـطر
وبرقِك ورعدِك يزود جُموحي
وانـحـت حُبـك جوا قـلبـي
واوئـد جُنوني وجُـنـوحـي
واعـوم ضد الظروف والموج
وارتـوي مِـن بُـكايا ونوحـي
دا قسمتِك وطرحِك وجمعِك
من طرح وجمع شجر دوحي
وادور عليكـي ف كُل سـكة
وجبينك عنوانـي وصروحـي
واطير بقلبِك فوق ف العلالي
وابعدك عن قاعي وسفوحي
وازرعِـك ف دروبي جنـايـن
وارفعِك غِية على سُطوحي
واغـزل لِك قصايدي شرانق
مـن فيـض بحـور بُـوحـي
الشاعر: حليم محمود أبوالعيلة. مصر
ليست هناك تعليقات:
إرسال تعليق