الإنسان و الإنسانية
بقلم الشاعر : الدكتور علي مسلم عجمي
لا تحرِم الإنسان إنسانيتو
عامِلو عا حسب فِهمو و نيتو
الإنسان مجموعة أحاسيس و كِيان
و إعجاز بوجودو بمراحل دِنيتو
عقِل إدراكي و فصاحة باللسان
و الكون شاهد حق في كينونيتو
إجتماعي بكل عصر و كل آن
طبعو التواصل و السلِم أمنيتو
الإنسانية ما لها حدود و مكان
الإنسان عايشها بْـطَبع حِنيتو
الإنسان زاد الإنسانية عنفوان
بالثقافة و العلم مش في بُنيتو
عنو الفصاحة و البلاغة ترجمان
بقصايدو و شِعرو و نَغَم غنيتو
الإنسان رغبة و عقل في أيا زمان
و اللي بتغلب حددت شو طينتو
في علاقة واضحة بين الأمم
العقل فيها متل نار على علم
الذوق و الأخلاق بالمبدأ نصير
إنسان خاف الله عمرو ما ظَلَم
بالعدل حِكمو و بالتقى قلبو بصير
عادل بحكمو بالقضا لولا استلم
وين دربو بيعرف ان حَدَّد مصير
أهداف أحلامو و رسمها بالقلم
أنسن الإنسان طبعو بإهتمام
تطور و كل عصر حَطَّلو ذِمام
عِلم و ثقافة و أدب بالعالم نشر
و منشان يحمي موطنو كان الهُمام
جَدّ السعي و الإنسانية ما دَشَر
دَجَّـن كواسِر و اعتنى بطير الحمام
منهيك الله كرَّمو بين البشر
و مَيَّزو بعقل و خَيَّرو يصير الإمام
الشاعر د. علي مسلم عجمي
لبنان
