عجب العجاب
بقلم الشاعر: فوزي سليم .. مصر
خسيس يقول للأصيل.
ماتيجي نكون اصحاب.
أصل الزمان ده عويل.
مالوش غير الكداب.
طب ليه عايش في عذاب.
اديني إنت دليل.
إن الأصيل جذاب.
دا حاجة تهد الحيل.
وتخلي عيشتك هباب.
قال الأصيل يا عويل.
انت صحيح كداب.
فابلاش تعيب ع الزمن
أصل الزمان غلاب.
إزاي تصاحب القمم.
وانت عايش في سرداب .
أنا بأعلي في الهمم.
وانت بتدعي للخراب.
أنا بخاطب المبادئ والقيم.
وانت بتنفخ في التراب.
طريقي صراط مستقيم.
طريقك عجب العجاب.
الناس بتحب الأصيل.
وبتكره الخاين الكداب.
والدنيا مش مال وجاه.
أحسن منهم الأصحاب.
ومافيش صداقة ابدأ.
بين العمار.والخراب.
انت بتخشى الفلس.
وانا أخشى الحساب.
أنا أخاف الله.
وانت مايهمك عقاب.
دا الواطي مهما على.
مابتعدلو عمايل.
أما الأصيل لو مال.
بتعدلوا الأصحاب.
عجبي عليك يازمان
جرأت في الواطي.
خليتوا راح للأصيل
يخبط عليه الباب.
ويطلب منه المستحيل.
إنه يكون من الأصحاب.
وعجبي!
فوزي-سليم.مصر.
بالعامية المصرية
ليست هناك تعليقات:
إرسال تعليق