مصدقتش
بقلم الشاعر : محمد مرزوق
مصدقتش
أي دمعه
كانت بتملا عنيك
ولا صدقت
اي كلمه
كانت طالعه من جواك
كل ده كان كذبه
عشان أعذر خيانتك
والخيانه عمرها ما تتبرر
أو تتنسي
أو تمحيها السنين
كنت منتظر خضوعك
ورجوعك
حتى بأعتذار
افتكرتني ضلع مكسور
حطمته الايام والدموع
وقساوة الاحزان
افتكرتني شاطئ مهجور
هجرته الطيور
والأيام
وبدأت فيه لعبتك
وكل ده وانا صابر
واقول كل شئ
ليه آخر
وانت فارد شراعك
على قلبي
قلبي اللي كان محتاج
منك حنان
محمد مرزوق
ليست هناك تعليقات:
إرسال تعليق